शनिबार, माघ २१, २०७९

कम्बोडियाको होटलमा आगलागी हुँदा १२ तलाबाट हामफालेर मृत्यु रोजेका बाबुले छोरालाई दिएको भावुक सन्देश

नेपाल समय  |  काठमाडौं, शुक्रबार, पुष १५, २०७९

नेपाल समय

नेपाल समय

शुक्रबार, पुष १५, २०७९, काठमाडौं

नेपाल समय

काठमाडौं– जन्मिएपछि मर्नै पर्ने मानव चोलाका अनगन्ती कुइनेटाहरू कहिलेकाहीँ अविश्वासिला बनिदिन्छन्। परिवारको सुखसयलका लागि कम्बोडियामा रोजगारीका क्रममा पुगेका झापाका ४० वर्षीय निराकार पाण्डेले मृत्यु रोज्नुअघि छोरालाई दिएको अन्तिम सन्देशका शब्दहरूले जोकोहीलाई निःशब्द बनाउँछ।

पाण्डेले क्यासिनोको १२ औं तल्लाबाट हाम फाल्नुअघि पाण्डेले छोरासँग गरेको हृदयविदारक बातचितबारे अमेरिकी समाचार संस्था सीएनएनलाई उद्धृत गर्दै काठमाडौंबाट प्रकाशित सेतोपाटी डटकमले समाचार प्रकाशित गरेको छ।

कम्बोडियाको पोइपेट सहरमा अवस्थित ग्राण्ड डायमन्ड सिटी होटल तथा क्यासिनो कम्प्लेक्समा गत बुधबार भीषण आगलागी भयो। उक्त आगलागीमा २४ जनाको मृत्यु भएको तथा दर्जनौं अझै हराइरहेको अन्तर्राष्ट्रिय सञ्चार माध्यमले उल्लेख गरेका छन्।

अमेरिकी समाचार संस्था सीएनएनमा प्रकाशित समाचारअनुसार आगलागी नियन्त्रणमा खटिएका कम्बोडियाली अधिकारीले अहिले मृत्यु भएका व्यक्तिको राष्ट्रियता पत्ता लगाउने काम थालेका छन्। आगलागीका कारण अहिलेसम्म खुलेको छैन।

कम्बोडिया सरकारले अनुसन्धानका लागि एउटा कमिटी गठन गरेको छ। कम्तीमा ७० जना आगलागीमा परेर घाइते भएको जनाइएको छ।