शनिबार, माघ २१, २०७९

३३ वर्षपछि बुवासँग भेट गर्दाको खुसी

भीम चौधरी  |  काठमाडौं, शुक्रबार, भदौ १८, २०७८

भीम चौधरी

भीम चौधरी

शुक्रबार, भदौ १८, २०७८, काठमाडौं

नेपाल समय

धनगढी– बुवाले घर छाड्दा जानकी गाउँपालिका–७ टिकलीगढका रामबहादुर डगौरा पाँच वर्षका थिए। परिवारका अन्य अभिभावकसँग उनी हुर्किंदै गए। बुवाको याद पनि हराउँदै गयो। आज आउलान् भोलि आउलान् भन्दाभन्दै परिवारका सदस्यले पनि लोकुनलाई भुल्दै गए।

पारिवारिक जिम्मेवारी सम्हाल्दै रामबहादुर ३८ वर्षका भए। बुवाको अनुपस्थितिमा अनेक हन्डर सहँदै उनी अघि बढिरहे। उनले बेपत्ता भएका बुवाका बारेमा सोच्नसम्म छाडेका थिए। तर बेलाबेलामा सम्झन्थे, बुवा कहाँ हुनुहोला? यसको उत्तर कसले दिनु र? किनकि उनका बुवा जीवित छन् भन्नेबारे कमैले सोचेका थिए। तर जब बिहीबार रामबहादुरले बुवालाई भेटे त्यसपछि उनको जीवनमा अपूर्व खुसी भित्रिएको छ।

३३ वर्षदेखि बेपत्ता कैलालीका लोकेन्द्र भनिने लोकुन डगौरा (६२) बिहीबार घर फर्किएका छन्। उनलाई कैलाली प्रहरीले परिवारसँग पुनर्मिलन गराएको हो। लोकुन ३३ वर्षअघि कामको सिलसिलामा भारतको सिमला गएका थिए। त्यसपछि उनी घर फर्केका थिएनन् भने परिवारको सम्पर्कमा पनि थिएनन्। कैलाली प्रहरीको संक्रियतामा उद्धार गरेर लोकुनका छोरा रामबहादुरलाई जिम्मा लगाएको हो। 

‘पाँच वर्षको हुँदा बाबा कामको सिलसिलामा भारत जानुभएको थियो रे। त्यसपछि कहिल्यै देख्न पाएको थिइनँ। मैले त सोचेकै थिइनँ, बाबासँग भेट हुन्छ भनेर। म आज ज्यादै खुसी छु। यसका लागि कैलाली प्रहरीलाई धन्यवाद दिन चाहन्छु।'

कैलालीका प्रहरी प्रमुख विश्व अधिकारीले अबिर लगाएर खादा ओढाई लोकुनका छोरा रामबहादुरलाई हस्तान्तरण गरे। ३३ वर्षपछि बाबासँग भेट भएपछि छोरा रामबहादुरसँगै परिवार नै हर्षित भएको छ। रामबहादुरले भने, ‘पाँच वर्षको हुँदा बाबा कामको सिलसिलामा भारत जानुभएको थियो रे। त्यसपछि कहिल्यै देख्न पाएको थिइनँ। मैले त सोचेकै थिइनँ, बाबासँग भेट हुन्छ भनेर। म आज ज्यादै खुसी छु। यसका लागि कैलाली प्रहरीलाई धन्यवाद दिन चाहन्छु।'


लोकुन भारत जाँदा उनकी पत्नी गर्भवती थिइन्। त्यसपछि जन्मिएको छोरी पनि बुवालाई देख्न पाउँदा खुसीले गद्गद भएकी छन्। उनले पनि पहिलो पटक बाबालाई जिल्ला प्रहरी कार्यालय भेटेपछि ज्यादै खुसी लागेको बताइन्।

यसरी सम्भव भयो पारिवारिक पुनर्मिलन

भारतका सन्दीप यादवले भदौ ९ गते बेलुका ६ बजेतिर भारत गयास्थित नेशनल हाइवेमा लोकुनलाई फेला पारी घर लगेछन्। उनले घरमा राखेर सोधपुछ गरेपछि नेपालमा सम्पर्क गरे। तर, लोकुन १० गते बिहान घरबाट निस्किएछन्। सन्दीपले फर्काएर घर लगे। भदौ ९ गते नै प्रहरी परिसर काठमाडौंका प्रहरी वरीष्ठ उपरीक्षक अशोक सिंहले गृह मन्त्रालयमार्फत लोकेन्द्र भनिने लोकुन डगौरा भारतमा फेला परेको जानकारी पाए। 


लोकुनले ठेगाना कैलाली जिल्ला बताएको खबर प्राप्त गर्नेबित्तिकै सिंहले कैलालीका प्रहरी प्रमुख प्रहरी उपरीक्षक विश्व अधिकारीलाई फोन गरे। त्यसपछि भारत बिहार राज्य गया जिल्ला बाराचट्टीका सन्दीप यादमार्फत लोकुन डगौरासँग सम्पर्क स्थापित भयो। अधिकारीले लोकुनसँग भिडियो कल गरे। लोकुनले आफ्नो घर कैलालीको मुनुवा हो भन्ने बताएपछि फोटोसहित घर तथा आफन्त पत्ता लगाउन इलाका प्रहरी कार्यालय टीकापुरबाट प्रहरी परिचालन भयो।

घर ठेगाना र आफन्तको एकिन भएपछि लोकुनलाई भारतीय प्रहरी र सन्दीप यादवको सहयोगमा जिल्ला प्रहरी कार्यालयमा झिकाइयो। लामो समयदेखि भारतमा बेपत्ता लोकुनले नेपाली बोल्न बिर्सिएका छन्। सबै कुरा स्मरण गर्न र प्रकट गर्न सक्ने अवस्थामा छैनन्। छोरा रामबहादुरले बाबालाई नेपाली र मातृभाषा बोल्न सिकाउने बताएका छन्।


प्रकाशित: September 3, 2021 | 06:25:00 काठमाडौं, शुक्रबार, भदौ १८, २०७८

तपाईं को प्रतिक्रिया

ट्रेंडिंग

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

थप समाचार

नेपाल समय
सुदूरपश्चिम

पक्की पुल अलपत्र, अस्थायीमा तिर्नुपर्छ पैसा

सो पुल नजिकै एक दशक अघिदेखि पक्की पुलको पिल्लर ठड्याइएको भएपनि पुल निर्माण कार्य अलपत्र परेको छ । त
नेपाल समय
सुदूरपश्चिम

'पढाइ, कमाइ र दबाइ' अभियान सुरु गर्दै सुदूरपश्चिम सरकार

सुदूरपश्चिम प्रदेशका मुख्यमन्त्री राजेन्द्रसिंह रावलले प्रदेश सरकारले पढाइ, कमाइ र दबाइको अभियान थालिने जानकारी दिएका छन्।
नेपाल समय
सुदूरपश्चिम

सुदूरपश्चिम प्रदेशसभाको बैठक स्थगित

प्रदेशसभा सचिवालयले अर्को सूचना जारी नभएसम्मका लागि आजका लागि तय भएको बैठक स्थगित भएको प्रदेशसभाका सूचना अधिकारी युवराज जैसीले बताए।
नेपाल समय
सुदूरपश्चिम

भूकम्प अपडेट: एकजनाको मृत्यु, सात घर भत्किए

घाँस काट्ने बेला गएको भूकम्पसँगै माथिबाट खसेको ढुंगाले लागेर महिलाको मृत्यु भएको प्रहरीले जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना