शनिबार, माघ २१, २०७९

वर्षौंदेखि डायरीमा कैद गजलले जब तिलकसिंह पेलाको स्वर पायो

राज सरगम  |  काठमाडौं, बुधबार, माघ ४, २०७९

राज सरगम

राज सरगम

बुधबार, माघ ४, २०७९, काठमाडौं

नेपाल समय

के लत बस्यो मलाई कहिले सुधार हुन्छ

एक दिन तिमी नबोल्दा यो दिल बिमार हुन्छ

साथी रहेछ दुःख हरपल सवार हुन्छ

सुख पाहुना रहेछन् छुट्टै हतार हुन्छ

 पानी परेर धर्ती आकाश हुन्छ सुन्दर

धर्ती बनेर तिम्रो के नै बिगार हुन्छ रु

 खोला नदी समुन्द्र जे नाम होस् न आखिर

अस्तित्व राखिराख्ने मात्रै किनार हुन्छ

यतिखेर चर्चामा रहेको गजल हो यो। नेपाली सांगीतिक यात्रामा गजल संगीतले झन्डै दशकको अन्तरालमा मात्र चर्चा पाउँछ। न बिर्से‌ं तिमीलाई, म बिना पोखरामा, कहाँ थियौ तिमी, ऊ जितेर गई गजल लामो समयको फरकमा चर्चामा आएका थिए। यही क्रममा गायक तिलकसिंह पेलाको संगीत र स्वरमा आएको के लत बस्यो गजल चर्चामा छ। 

डा. प्रदीपकुमार मैनालीले लेखेको गजललाई पेलाको स्वरको जादूले जिवन्त पारेको छ। उनको गायकीले पनि दर्शकलाई मुग्ध बनाएको छ। यो गीतलाई अर्गानिक र आत्मपरक भन्दै संगीतकर्मीहरुले नै मुक्तकण्ठले प्रशंसा गरिरहेका छन्। सरस शब्दावली र शेर बुनिएको यो गजल चार दिनअघि मात्र युट्युबमा रिलिज भएको हो। बिहीबार युट्युबमार्फत सार्वजनिक भएको गीतले सामाजिक सञ्जाल तथा टिकटकमा समेत प्रशंसा बटुलिरहेको छ।

संगीत कर्ममै रहे पनि २३ वर्षदेखि दीपकले कुनै गीतगजलमा स्वर दिएका थिएनन्। २०६१ सालदेखि काठमाडौंको बनस्थलीमा श्रीकृष्ण गुरुकुल संगीत पाठशालाको स्थापना गरी उनी शास्त्रीय संगीत साधनामा तल्लीन रहे। सुदूरपश्चिमबाट देउडा गाउँदै नेपाली मूलधारको संगीतमा आइपुगेका पेलाले २३ वर्षपछि गायनलाई निरन्तरता दिएका छन्। 

२३ वर्षअघि ‘आँशु’ गीतिसंग्रह बजारमा ल्याएका पेला यतिबेला आँशु एल्बमकै तेश्रो भागका रूपमा निर्जन किनार लिएर आएका छन्। जुन एल्बमभित्र के लत बस्यो भन्ने गजलले दर्शकको मन जितेको छ।

स्टेज कार्यक्रममा कमै पुग्ने पेला यतिखेर आफ्नो आवाजको जादूले लाखौंको मन जितिरहेका छन्। उनी भन्छन्, ‘यो गजल कम्पोज गर्दा नै मेरो मन रोएको थियो। म डुबेको थिएँ यसमा।’ लामो समयदेखि शास्त्रीय संगीतमा साधनारत पेलाले आँशु–३ मा २ नेपाली गजल, ४ आधुनिक गीत, एउटा हिन्दी भजन गरी ८ रचना समावेश गरिएको बताए। तीमध्ये ‘निर्जन किनार’ गीतको कार्यक्रममा भिडियो सार्वजनिक गरिएको थियो।

२०५३ सालमा आफ्नै गायन तथा संगीतमा आँशु एल्बम बजारमा ल्याएका गायक तथा संगीतकार पेलाले २०५४ सालमा आँसु भाग २ ल्याएका थिए। आँशु एल्बमले त्यति बेला निकै चर्चा पाएको थियो। लुकाउन खोज्दा पनि बोलको गीत गायक पेलाको निकै चर्चित गीत थियो।

श्रोताको अपार माया र स्नेहले २३ वर्षको साधनापछि आफू आँशु भाग ३ लिएर सांगितिक बजारमा पुनः आएको पेलाले बताए। सांगीतिक हिसाबले सुदूरपश्चिमलाई देउडाका माध्यमले बढी चिनिने गरिन्छ। तर पेलाले देउडाका साथसाथै शास्त्रीय संगीतका माध्यमलाई मूल विधा बनाए। बैतडीमा जन्मिएका पेला सुदूरपश्चिम क्षेत्रबाट शास्त्रीय एवं आधुनिक गायनमा प्रवेश गर्ने सम्भवतः पहिलो व्यक्ति नै होलान्।

बाल्यकालमा रेडियो विविध भारतीबाट आउने रफि, किशोर र पन्नालालका गीत सुनेर हुर्किएका थिए उनी। भारतीय सीमा नजिक भएकोले पनि त्यस्ता गीत सुन्न पाएको बताउँछन् उनी। ‘त्यो बेला रेडियो नेपाल भन्दा पनि विविध भारती सुनिन्थ्यो। दाइ (कृष्णसिंह पेला) ले गीत लेखेर पनि दिनुहुन्थ्यो। म गाउने कोसिस गर्थें। त्यो कोसिस अहिलेसम्म जारी छ’, उनले बाल्यकालका दिन सम्झिए। भावुक मान्छे ठान्छन् उनी आफूलाई। भावना बुझ्न खोज्छन्। गीत गाउँदा पनि शब्दको भावमा डुबेर गाउँछन्। गीत रेकर्डको भिडियोमा पनि त्यो देख्न सकिन्छ।  

वर्षौंसम्म डायरीमा कैद गरेर राखेका थिए पेलाले यो गजल। उनकै शिष्यहरूले बाहिर ल्याउनुपर्छ भनेर कर गरेपछि हौसिए। ‘कहिलेसम्म अर्काको रचना डायरीमै कैद गर्ने भन्ने लाग्यो, अनि रेकर्ड गर्न हौसिएको हो,’ उनले भनेका छन्। रचनाकारका रचना त्यसै लामो समय डायरीमै कैद गरेर पनि राखिदिनु भएन भन्ने लागेर आफूले गीत रेकर्ड गरेको बताउँछन् पेला।

राग मालकौंसमा आधारित नेपाली गजल भएकोले पनि दर्शकले रूचाइदिएको अनुमान सुनाए उनले। पेला गीतसंगीतमै क्रियाशिल भए पनि गायनका हिसाबले हराइसकेका थिए। बजारले उनलाई बिर्सिन थालेको थियो। नयाँ पुस्ताले त झनै चिनेकै थिएनन्। तर उनले जब के लत बस्यो ल्याए, नयाँ पुस्तामाझ लोकप्रिय भए। उनी भन्छन्, ‘बजारमा चल्ला हिट होला भन्दा पनि तिलकसिंह पेला भन्ने मान्छे छ है भन्ने सोचले रेकर्ड गरेको थिएँ।’

रेकर्डिङदेखि भिडियो निर्माणसम्म ५० हजार रुपैयाँ खर्चमा बनेको यो गीतको स्वर पनि निकै सुमधुर सुनिन्छ। काठमाडौंको सानो भर्‍याङस्थित श्रीकृष्ण गुरुकुल संगीत पाठशालामा संगीतका शिक्षक समेत रहेका पेलाको स्वरले प्रशंसा कमाइरहेको छ। ‘लुकाउन खोज्दा पनि आँसु नझरेको होइन’, ‘कहानी बनेन केही यस्तै छ जिन्दगी’ बोलका गीतहरू चर्चित थिए उनका। त्यसपछि उनलाई चर्चामा ल्याएको गजल बन्यो के लत बस्यो।

यो गजल सुनेपछि राष्ट्रिय लोक तथा दोहोरी गीत प्रतिष्ठानका अध्यक्ष रमेश बिजी लेख्छन्, ‘खाँटी सृजना, स्वर र साधक कहिल्यै ओझेल पर्दैनन्। बरु कर्कस चिच्याहटहरु कुनै कालखण्डमा हाबी भएको देखिन्छ। तर यो सत्य हो कि केबल आफू मात्र बाँच्ने कि संगीत सिर्जना पनि बचाउने त्यो अत्यन्त महत्वपूर्ण चिन्तन हो। हार्दिक बधाई धन्यवाद यो साधना शिल्पी र स्वरका लागि श्रद्वेय श्रष्टाज्यूहरुमा।’

गीतकार, कवि रेडियोकर्मी भुपेन्द्र खड्का लेख्छन्, ‘मैले सुनेको यो दशकका ३ मध्येको पहिलो गीत–गजल) स्वर/संगीत/रचना/संगीत संयोजनको अनुपम नमुना।’

यो गजलको संगीत संयोजन गरेका हुन् रिदम कँडेलले। सम्बन्धका हिसाबले गायक पेला र एरेन्जर कँडेल गुरुचेला हुन्, जसले यस गजललाई एरेन्ज गरे। नौ कक्षा पढ्दै गर्दा कँडेलले पेलाबाट संगीतको कखरा सिकेका थिए। यो गीतको रेकर्डिङ र एरेन्ज गर्दा उनले ३० हजार रुपैयाँ पनि लिएका छन्। गीतका एरेन्जर तथा रेकर्डिस्ट कँडेलले यो गीतको लोकप्रियता अनपेक्षित रहेको बताए। सामाजिक सञ्जाल प्रयोगकर्ताले भाइरल गीतको होडमा यो गीतले मौलिकता र सिर्जना अझै कायम छ भन्ने सन्देश दिन खोजेको बताइरहेका छन्। 


प्रकाशित: January 18, 2023 | 14:00:47 काठमाडौं, बुधबार, माघ ४, २०७९

तपाईं को प्रतिक्रिया

ट्रेंडिंग

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

थप समाचार

नेपाल समय
संगीत

टर्टलमा आज तृष्णा गुरुङको लाइभ कन्सर्ट

भ्वाइस आफ नेपाल तेश्रो सिजनकी कोचसमेत रहेकी गायिका गुरुङले राति ९ बजेबाट आफ्नो ब्यान्डसहित लाइभ प्रस्तुति दिने क्लबका सञ्चालक आयुष ठकुरीले जानकारी दिए।
नेपाल समय
संगीत

अस्ट्रेलिया उड्दै नेपथ्य

‘नेपथ्य म्युजिक फर ह्युम्यानिटी’ अस्ट्रेलिया टुर २०२३ नाम दिइएको यो सांगीतिक यात्रा २५ जनवरीमा डार्बिनस्थित इन्टरटेनमेन्ट सेन्टरबाट थालनी हुनेछ।
नेपाल समय
संगीत

वर्षौंदेखि डायरीमा कैद गजलले जब तिलकसिंह पेलाको स्वर पायो

स्टेज कार्यक्रममा कमै पुग्ने तिलक पेला यतिखेर आफ्नो आवाजको जादूले लाखौंको मन जितिरहेका छन्। उनी भन्छन्, ‘यो गजल कम्पोज गर्दा नै मेरो मन रोएको थियो। म डुबेको थिएँ यसमा।’
नेपाल समय
संगीत

सभ्यता अभिनित 'जब तिमी हुनेछौ' को म्युजिक भिडियो सार्वजनिक

नायिका तथा मोडल सभ्यता गिरी अभिनित ‘जब तिमी हुनेछौ’ बोलको म्युजिक भिडियो सार्वजनिक भएको छ। यस गीतको म्युजिक भिडियोमा सभ्यतासँगै कमल सिंहको अभिनय रहेको छ।
नेपाल समय
संगीत

गीतकार सुरजको 'एक झल्को' मा एलिना चौहान

गीतकार सुरजले आफ्नी प्रेमीका प्रभा बस्नेतलाई सर्मपित गर्दै लेखेको गीतको भिडियो प्रभाकै जन्मदिनमा सार्वजनिक गरेका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना